Ermənistan ordusu İslam Respublikasından aldığı «Məcid» (AD-08) qısamənzilli hava hücumundan müdafiə sistemləri ilə təlim keçirib. Təlim barədə məlumat noyabrın 9-da, bazar ertəsi yayılıb.
İslam Respublikasının Müdafiə Nazirliyi «Məcid» sistemini 2021-ci ildə təqdim edib. Sistemin raketləri infraqırmızı idarəetməyə malikdir və istehsalçıların iddiasına görə, pilotsuz uçuş aparatlarını, helikopterləri və təyyarələri 8 kilometrədək məsafədə və 6 kilometrədək hündürlükdə vura bilir. Sistemin dörd raketli buraxılış qurğusu «Aras-2» taktiki avtomobilinə quraşdırılır.
İrəvan 2020-ci ildə 44 günlük Qarabağ müharibəsində məğlub olduqdan sonra silah alışlarını Rusiyadan Hindistan, Fransa və digər tədarükçülərə doğru genişləndirib. İslam Respublikası ilə Ermənistanın Bakının Zəngəzur adlandırdığı Sünik vilayətində ortaq sərhədi var.
