Hörmüz boğazının şərqində bir neft tankeri bu gün, 16 aban (7 noyabr), şənbə səhəri dəniz minasına toxunub. Tankerdə yanğın baş verib və gəmi hərəkət edə bilməyib. Hadisə barədə xəbəri İslam Respublikası ordusunun Hərbi Dəniz Qüvvələri yayıb.
Hərbi Dəniz Qüvvələri tankeri «qayda pozan» adlandırıb. Onlar iddia edib ki, gəmi xəbərdarlıqlara məhəl qoymadan «qadağan olunmuş və təhlükəli zonada» üzürdü. Hərbi Dəniz Qüvvələrinin sözlərinə görə, tankerin naviqasiya sistemləri də sönülü olub. Açıqlamada nə tankerin kimliyi, nə də ona dəyən ziyanın həcmi göstərilib.
Hadisə Tehranla Vaşinqton arasında söz savaşının yenidən kəskinləşdiyi vaxtda baş verib. ABŞ aylardır İranı dəniz blokadasında saxlayır. ABŞ ordusunun Mərkəzi Komandanlığının (CENTCOM) hesablamalarına görə, bu blokada İranın 25 milyard dollardan çox dəyərində xam neft ixracının qarşısını alıb.
