ABŞ-ın vitse-prezidenti Cey Di Vens Ali Milli Təhlükəsizlik Şurasının katibi Möhsün Rzaiyə ünvanladığı məktubda birbaşa danışıqlar aparmağı təklif edib. "The New York Times" qəzeti iranlı və amerikalı rəsmilərə istinadən yazıb ki, bu danışıqlar gələn həftə Qətərdə və ya Türkiyədə başlaya bilər.
Vens Amerika nümayəndə heyətinə rəhbərlik etməyə hazırdır. Danışıqlar ilkin şərtsiz başlayacaq, lakin onun vurğuladığı kimi, İslam Respublikasının nüvə proqramı elə ilk gündən müzakirə masasında olmalıdır. Tramp məktub göndərilməzdən əvvəl onun mətnini oxuyub və təsdiqləyib.
Amerikalı rəsmilərdən biri bildirib ki, Rzai SEPAH-a və sazişə qarşı çıxan sərt xətli qanada təsir imkanlarına görə məktubun ünvançısı seçilib. İki iranlı rəsminin sözlərinə görə, Qətər, Pakistan, Türkiyə və Səudiyyə Ərəbistanından olan vasitəçilər müharibənin qarşısını almaq üçün Tehrandan nüvə məsələsində çeviklik göstərməyi xahiş ediblər. Tramp eyni zamanda İranın enerji infrastrukturuna və həyati əhəmiyyətli iqtisadi obyektlərinə hücumların bərpa edilməsi məsələsini də nəzərdən keçirir.
