ABŞ-ın Bağdaddakı səfirliyi səfər xəbərdarlığını yeniləyərək ölkə vətəndaşlarını heç bir səbəbdən İraqa səfər etməməyə çağırıb. Xəbərdarlığa İslam Respublikasının dəstəklədiyi silahlı husi qruplaşmasının Səudiyyə Ərəbistanının mülki hava limanlarına və həyati əhəmiyyətli infrastrukturuna hücumlarını gücləndirməsi səbəb olub.
Səfirlik İraqda silahlı toqquşma, terrorizm və adam oğurluğu təhlükəsinin olduğunu bildirib. Səfirliyin sözlərinə görə, husilərin Səudiyyə Ərəbistanına hücumları nəticəsində mülki şəxslər həlak olub və səfərlər ciddi şəkildə pozulub. Bu hücumlar sürətlə şiddətlənə və hazırkı münaqişə zonalarından kənara da yayıla bilər.
Səfirliyin bəyanatında deyilir ki, İraq hökuməti zorakılıq və qəfil silahlı toqquşmalar zamanı «amerikalı vətəndaşların təhlükəsizliyinə zəmanət verə bilməz». Bu səbəbdən ABŞ hökuməti İraqdakı vətəndaşlarına yalnız məhdud həcmdə təcili xidmət göstərə bilər.
