20 sentyabr bazar günü Almaniyada keçirilən seçkilərin ilkin nəticələri göstərir ki, ifrat sağ «Almaniya üçün Alternativ» (AfD) partiyası Meklenburq-Ön Pomeraniya əyalətində 37 faiz səslə öndədir. Sosial-Demokrat Partiyası 35,5 faizlə ikinci yerdə qərarlaşıb, Almaniya kansleri Fridrix Mersin başçılıq etdiyi Xristian-Demokrat İttifaqı isə cəmi 5,5 faiz səs toplayıb.
Eyni zamanda, Almaniyanın paytaxtı Berlində keçirilən əyalət seçkilərində Sol Partiya 24,5 faiz səslə öndə gedir. Xristian-Demokrat İttifaqı 20 faizlə, Almaniya üçün Alternativ isə 16 faizlə sonrakı sıralarda yer alıb.
Bu seçkilər Fridrix Mersin hökuməti üçün siyasi baxımdan əhəmiyyətlidir, çünki onun partiyası hər iki əyalətdə seçici dəstəyinin azalması ilə üzləşib. Bununla belə, ifrat sağ partiyanın Meklenburq-Ön Pomeraniyada öndə getməsi onun hökumət qurması anlamına gəlmir; digər partiyalar bu partiya ilə koalisiyaya getməyə hazır olmadıqlarını bildiriblər. Açıqlanan nəticələr hələ ilkindir və səslərin sayılması davam edir.
