İsrail baş naziri Binyamin Netanyahu bildirib ki, ölkənin ordusu Livanın cənubundakı Əli-Tahir strateji yüksəkliyində keçirdiyi əməliyyat zamanı çoxlu sayda silahlı döyüşçünü məhv edib və bu ərazi artıq "İsrail üçün təhlükə" hesab olunmur.
İsrail ordusu bildirib ki, bu yüksəklikdə Hizbullaha aid iki yeraltı kompleksin təmizlənməsi və zərərsizləşdirilməsi əməliyyatını başa çatdırıb. Ordunun məlumatına görə, 36-cı diviziyanın qüvvələri son həftələr ərzində ərazinin həm yerüstü, həm də yeraltı hissələrinə əməliyyat nəzarətini ələ keçiriblər.
İsrail ordusu həmçinin iddia edib ki, bu qurğular təxminən 20 il ərzində inşa edilib və onların layihələndirilməsi və maliyyələşdirilməsi İran rejiminin öhdəsində olub.
