İran rabitə işçi təşkilatlarının Ali Əlaqələndirmə Şurası, təqaüdçülərin etiraz və tələblərinə dəstək verərək, sərt və zorakı təzyiqlərin dayandırılmasını və şirkət rəhbərliyinin yenidən danışıqlar yoluna qayıtmasını tələb edib.
Araz News-un İLNA-dan nəql etdiyinə görə, Şura işçi və əməkçilərin tələblərini, xüsusilə rifah yardımlarının ödənilməsini, tamamlayıcı müalicə sığortasını və qanuni hüquq və imtiyazların tətbiqini haqlı sayıb.
Bəyanatda, həmçinin, çalışanlar və təqaüdçülər üzərindəki ağır iqtisadi təzyiqə diqqət çəkilib və tələblərə diqqət edilməsinin sosial şəraitə də təsir edə biləcəyi bildirilib.
Rabitə təqaüdçüləri son həftələrdə hər bazar ertəsi görüş keçirərək, peşəkar və dolanışıqla bağlı tələblərini gündəmə gətirməyə davam ediblər.
