Sənəndəc şəhərindən olan 27 yaşlı Atusa Cəfəri şənbə günü, 1 şəhrivərdə (23 avqust), ailə evinin qarşısında bıçaq zərbələri ilə öldürülüb. Yerli media və Kürdistan İnsan Haqları Şəbəkəsi bildirib ki, o, evdən çıxarkən və işə getmək üçün maşına minməzdən əvvəl hücuma məruz qalıb. Bu məlumatlara əsasən, qətlin faili onun əri və ya keçmiş əri olub və Atusa səkkiz bıçaq zərbəsi ilə öldürülüb.
Onun ailə vəziyyəti ilə bağlı fərqli məlumatlar yayılıb. Kürdistan İnsan Haqları Şəbəkəsi yazıb ki, Atusa iki il əvvəl ərindən ayrılıb və anası ilə yaşayıb. Yerli media isə bildirib ki, o, üç il boyu boşanmaq üçün məhkəməyə müraciət edib, lakin boşanma tələbi qəbul edilməyib. Yerli mənbələrin məlumatına görə, bu müddət ərzində o dəfələrlə ərinin zorakılığına, döyülməsinə və hədələrinə məruz qalıb, hətta bir dəfə əli sınıb.
Atusa Cəfəri poçt idarəsinin əməkdaşı olub, cinayət hüququ üzrə magistr dərəcəsinə malik olub, həmçinin kunq-fu tua üzrə məşqçi və hakim işləyib.
