ABŞ-ın energetika naziri Kris Rayt bildirib ki, çərşənbə axşamı günü Birləşmiş Ştatların hərbi qüvvələrinin köməyi ilə 15 milyon barel neft Hörmüz boğazından keçib və boru kəməri marşrutları nəzərə alınmaqla, Ərəbistan körfəzi ölkələrinin dünya bazarına ümumi neft və neft məhsulları ixracı təxminən 20 milyon barelə çatıb.
Rayt bildirib ki, keçən həftə ərzində region ərəb ölkələrinin Hörmüz boğazından orta neft ixracı gündə təxminən səkkiz milyon barel olub. Səudiyyə Ərəbistanı və Birləşmiş Ərəb Əmirlikləri isə Hörmüzə alternativ boru kəmərləri vasitəsilə cəmi təxminən yeddi milyon barel ixrac edir.
Hörmüz boğazında hərəkətin pozulmasından əvvəl gündəlik təxminən 20 milyon barel neft və neft məhsulu bu su yolundan keçirdi ki, bunun da təxminən iki milyon barelini İranın neft və neft məhsulları ixracı təşkil edirdi.
Bununla belə, İslam Respublikasının Hörmüz marşrutu ilə dəniz yolu ilə neft ixracı ABŞ tərəfindən tətbiq edilən dəniz blokadası nəticəsində bir aydan çoxdur ki, dayandırılıb.
