İran İslam Respublikasının Xarici İşlər Nazirliyi iddia edib ki, İran və Oman arasında Hörmüz boğazında gəmiçiliyin hərəkət xəritəsi ilə bağlı aparılan danışıqlar razılıqla nəticələnib. Nazirliyin sözçüsü İsmayıl Bəqai bu prosesi, «ABŞ-ın maneəçiliyi» adlandırdığı şeyə baxmayaraq, müsbət kimi dəyərləndirib.
Bəqainin sözlərinə görə, bu razılıq İranın müxtəlif qurumları arasındakı əməkdaşlığın nəticəsidir və bu prosesdə Xarici İşlər Nazirliyi mərkəzi rol oynayıb, həmçinin ölkənin müdafiə, təhlükəsizlik və ətraf mühit sahələrinə aid qurumları da iştirak edib.
Hörmüz boğazı Körfəzdən ixrac olunan neftin böyük hissəsinin keçdiyi marşrutdur və son aylarda dəfələrlə İran ilə ABŞ arasındakı gərginliyin mərkəzində olub.
