ABŞ-ın Mərkəzi Komandanlığı (SENTKOM) bildirib ki, ABŞ qüvvələri İran İslam Respublikasının dəniz mühasirəsinin həyata keçirilməsi çərçivəsində çərşənbə gününə qədər İranla əlaqəli 59 ticarət gəmisinin marşrutunu dəyişdirib.
SENTKOM əlavə edib ki, üç gəmi hərəkətdən saxlanılıb, ABŞ qüvvələri isə mühasirə məhdudiyyətlərinə əməl olunmasının yoxlanılması və araşdırılması üçün daha iki gəminin göyərtəsində yerləşdirilib.
Eyni zamanda SENTKOM "USS Corc H. U. Buş" təyyarədaşıyan gəmisindən F/A-18 qırıcı təyyarəsinin qalxmasına dair görüntü yayıb və bildirib ki, bu gəmi bölgə sularında İran İslam Respublikasına qarşı "Polad divar" adlanan əməliyyatı dəstəkləyir.
Neft tankerlərini izləyən şirkətlərin hesabatına əsasən, dəniz mühasirəsinin yenidən başlamasından bəri İranın neft ixracı faktiki olaraq dayanıb.
