Rusiya prezidenti Vladimir Putin xəbərdarlıq edib ki, Qərb ölkələri Rusiya ilə bağlı ticarət gəmilərini tutmağa davam etsə, Moskva da "dost olmayan" ölkələrin gəmilərini tuta bilər.
Associated Press-ə istinadən, Putin Sakit okean donanmasının təlimlərinə baş çəkərkən Qərb ölkələrinin Rusiya gəmilərinə qarşı gördüyü tədbirləri "dəniz quldurluğu və talançılıq" adlandırıb və deyib ki, Rusiyanın cavabı mütləq eyni bölgə ilə məhdudlaşmayacaq, Moskva "lazım bildiyi hər yerdə" qarşılıqlı addım ata bilər.
Rusiyanın Sakit okean donanmasının komandanı admiral Viktor Lina da bəyan edib ki, onun qüvvələri "dost olmayan" ölkələrlə bağlı gəmiləri yoxlamaq və tutmaq üçün hazırdır; bu addım həyata keçirilərsə, Rusiya ilə Avropa ölkələri arasında dəniz gərginliyini yeni mərhələyə apara bilər.
