Tehran İnqilab Məhkəməsinin hakim Məhəmmədrza Əmuzadın sədrlik etdiyi 28-ci şöbəsi Abbas Ləsani, Əli Xeyrcu, Yusif Kari və Behzad Dəşti daxil olmaqla dörd azərbaycanlı fəalı cəmi 40 il təzirati həbs cəzasına məhkum edib.
Çıxarılan hökmə əsasən, Abbas Ləsani "ölkə daxilində türk separatçı qrupunun yaradılması və rəhbərliyi" ittihamı ilə 10 il təzirati həbs cəzasına məhkum edilib. Bundan başqa, hər dörd təqsirləndirilən şəxs "ölkə təhlükəsizliyinə qarşı cinayət törətmək məqsədilə toplaşma və sui-qəsd" ittihamı ilə hər biri 5 il həbs cəzasına məhkum edilib. Əlavə olaraq, Yusif Kari və Behzad Dəşti "türk separatçı qrupunun üzvü olmaq" ittihamı ilə hər biri əlavə 5 il həbs cəzasına məhkum ediliblər.
Bu dörd mülki fəal 2025-ci il noyabrın 11-də Evin həbsxanasının qarşısında saxlanılıb. Onların işinə baxılması isə 2026-cı il mayın 30-da Tehran İnqilab Məhkəməsinin 28-ci şöbəsində keçirilib.
