ABŞ Mərkəzi Komandanlığı (Sentkom) İranın bəzi dövlət mediasında yayılan məlumatlara etiraz edərək, ABŞ qüvvələrinin Hüveyzədə hər hansı bir mülki buğda saxlama obyektini hədəf almadığını açıqlayıb.
Sentkom bəyanatında iyulun 14-də buğda saxlama mərkəzinə hücum edildiyi iddiasının «yanlış» olduğunu bildirib. ABŞ-ın bu hərbi qurumu vurğulayıb ki, həmin gün həyata keçirilən əməliyyatlar Vaşingtonun nəzərindən hərbi xarakter daşıyan hədəflərə yönəldilib.
Bəyanata görə, ABŞ qüvvələri iyulun 14-də Bəndərabbas, Xormuc, Əhvaz, Qeşm, Tənb, Buşehr və Kuh-e İstək ərazilərindəki hədəfləri vurub. Sentkom bu hücumların məqsədinin Hormuz boğazında ticarət gəmilərinə qarşı hücum həyata keçirmək imkanlarını zəiflətmək olduğunu iddia edib.
