Məcid İbn əl-Rza, İran Müdafiə Nazirliyinin icraçı naziri: Müharibə zamanı pilotsuz uçuş aparatlarının istehsalı üç qat artdı, raket layihələri dayandırılmadı

İranın pilotsuz uçuş aparatlarının istehsalı ABŞ və İsraillə müharibə zamanı üç qat artdı, raket layihələri isə fasiləsiz davam etdi. İbn əl-Rza bu açıqlamanı şənbə günü Müdafiə Nazirliyi rəsmiləri ilə Məclisin Milli Təhlükəsizlik Komissiyasının birgə iclasında bildirib. O, İslam Respublikasının müdafiə və pilotsuz uçuş aparatı sahəsindəki imkanlarını «milli təhlükəsizliyin qırmızı xətti» adlandırıb və bunun müzakirə predmeti ola bilməyəcəyini vurğulayıb.