Azərbaycan Milli Hərəkatının tanınmış fəallarından Taimaz Urmulunun (Tahir Mühamiyi) vəfat xəbəri Milli Hərəkat cəmiyyətində üzüntü və kədərə səbəb olmuşdur.
Taimaz bəy uzun illər Azərbaycan Milli Hərəkatı və türk millətinin haqları uğrunda öz üslubu ilə mübarizə apardı.
Bir dövr təşkilatımızın üzvü və "İşçi Komitəsinin Məsuliyyətlisi" vəzifəsini yerinə yetirən Taimaz bəy, Direniş Təşkilatı çərçivəsində "Qərbi Azərbaycan Milli Müdafiə Komitəsi", "Urmiya İşçiləri" və "Azərbaycan İşçiləri" qurumlarındakı fəaliyyətləri ilə yaddaşlarda qaldı.
Amerikaya köçdükdən sonra həyat şərtləri və görüş ayrılıqları səbəbindən təşkilatımızdan ayrılsa da, keçmiş fəaliyyətləri təşkilatımızın institusional yaddaşında öz yerini qorudu.
Taimaz bəy sonrakı illərdə də vətən-millət mübarizəsindən geri çəkilmədi və öz imkanları və üslubu ilə mübarizəsini davam etdirdi.
İndi isə dünyasını dəyişdiyi xəbəri köhnə yoldaşlarını və sevənlərini dərindən kədərləndirmişdir.
Taimaz bəyin vəfatı münasibətilə bütün Azərbaycan Milli Hərəkatı cəmiyyətinə, həmçinin dəyərli ailəsinə başsağlığı və səbr diləyirik.
Yeri cənnət olsun.
Azərbaycan Milli Direniş Təşkilatı
Mərkəzi Şurası
