ABŞ vitse-prezidenti Cey-Di Vens xəbərdarlıq edib ki, İslam Respublikası «uyğunsuz davranış» nümayiş etdirərsə, Vaşinqtonun öz məqsədlərinə çatmaq üçün hələ də kifayət qədər təzyiq rıçaqları mövcuddur.
Vens «Daily Wire» ilə müsahibəsində bildirib ki, prosesin davamı Tehranda Donald Trampın təzyiqlərinə münasibətdən asılı olacaq. O əlavə edib ki, cavab müvafiq olarsa, yeni bir səhifənin açıldığını söyləmək mümkündür. Vens qeyd edib ki, özü də bu ssenarinin reallaşacağına şübhə ilə yanaşır.
Trampın müavini bu mərhələni «başlanğıcın sonu» adlandırıb və deyib ki, ABŞ-ın «üzə vurmaq üçün daha çox kartı» var. O, İranın nüvə silahından tam təmizlənməsi üçün davamlı və yoxlanıla bilən öhdəliklər tələb edib.
Vens Hörmüz boğazı barədə bildirib ki, bu dəhliz üzərindən neft ixracatı bəzi günlərdə müharibədən əvvəlki səviyyəni də keçib və dünya bazarı normal vəziyyətə qayıdır.
