Donald Tramp ABŞ ordusu və Nigeriya qüvvələrinin ortaq əməliyyatı nəticəsində onun İŞİD-in ikinci adamı kimi təqdim etdiyi “Əbu Bilal əl-Minuki”nin öldürüldüyünü açıqlayıb.

ArazNews-un məlumatına görə, ABŞ prezidenti Truth Social hesabında bu yüksəkvəzifəli İŞİD üzvünün zərərsizləşdirilməsinin qrupun qlobal fəaliyyətinə ciddi zərbə vurduğunu yazıb.

İŞİD on ildən çox əvvəl Suriyadakı vətəndaş müharibəsi fonunda ortaya çıxmış, ilk illərdə Suriya və İraqın geniş ərazilərini nəzarətə götürmüşdü. Sonradan bu bölgələrdə ağır məğlubiyyətlər alsa da, təşkilatın bəzi ölkələrdə hüceyrələrinin hələ də aktiv olduğu bildirilir.

ABŞ ordusu son illərdə müxtəlif əməliyyatlarda İŞİD-in çoxsaylı komandirlərinin və yüksəkvəzifəli üzvlərinin öldürüldüyünü açıqlayıb.