Donald Tramp İranın Hörmüz boğazında gəmiçiliyin bərpası və nüvə danışıqlarının təxirə salınması ilə bağlı təklifini rədd edib.

ArazNews-un Reuters-ə istinadən verdiyi məlumata görə, İranlı yüksək rütbəli bir rəsmi bildirib ki, plana əsasən İran Hörmüz boğazını açır, bunun müqabilində ABŞ dəniz mühasirəsini ləğv edir, nüvə danışıqları isə daha sonrakı mərhələyə keçirilir.

Həmin rəsmi qeyd edib ki, bu çərçivənin məqsədi qarşıdurmaları dayandırmaq və növbəti mərhələdə daha mürəkkəb nüvə danışıqları üçün uyğun mühit yaratmaqdır. Lakin Tramp bu təklifə cavab olaraq deyib: «Onlar mənim qəbul edə bilməyəcəyim şeylər istəyirlər.»

Bu təklif ABŞ və İsrail ilə İran arasında hücumların dayanmasından dörd həftə sonra gündəmə gəlib, lakin gərginliyin tam aradan qalxması ilə bağlı hələ razılaşma əldə olunmayıb və bu vəziyyət qarşıdurmanın yenidən başlama ehtimalını artırır.