İran parlamentinin sədri Məhəmmədbaqir Qalibaf çərşənbə günü tarixində yayımlanan səsli mesajında bildirib ki, ABŞ «yeni mərhələyə keçib və dəniz mühasirəsi və media təbliğatı ilə iqtisadi təzyiqi və daxili ixtilafları aktivləşdirərək İranı daxildən zəiflətmək və ya hətta çökdürmək istəyir».

Qalibaf deyib ki, bu iddianın ən yaxşı sübutu Trampın mövqeləridir; o, «açıq şəkildə ölkəni sərt xətt tərəfdarları və mötədillər olaraq iki hissəyə bölür və dərhal dəniz mühasirəsindən danışır ki, İranı iqtisadi təzyiq və daxili ixtilaf vasitəsilə təslim olmağa məcbur etsin».

Parlament sədri həmçinin iddia edib ki, ABŞ «üç gün ərzində lideri və komandirləri öldürərək sistemi devirmək istəyirdi», lakin bu plan uğursuz olub. O, ABŞ-ın İsfahanda qüvvə endirməyə çalışdığı iddiasını da təkrarlayıb və bunu «Təbas kimi rüsvayçılıq» adlandırıb.

Qalibaf «birliyin qorunmasının» vacibliyini vurğulayaraq xəbərdarlıq edib ki, «hər hansı ixtilaf yaradan addım tamamilə düşmənin yeni planı çərçivəsindədir» və İran xalqına müraciətlə deyib: «Narahat olmayın; biz məsulların hamısı ölkə rəhbərinin əmrinə tabeyik».