Ağ Evin sözçüsü Karolin Levitt bildirib ki, ABŞ prezidenti Donald Tramp İranın yeni təklifini milli təhlükəsizlik üzrə yüksək səviyyəli müşavirləri ilə müzakirə edib.

Levitt təklifin detalları barədə açıqlama verməkdən imtina edib. Bildirilir ki, bu plan Hörmüz boğazının açılması və nüvə danışıqlarının sonraya saxlanmasını əhatə edir. O vurğulayıb ki, Trampın əsas tələbləri və “qırmızı xətləri” dəyişməyib.

Məlumata əsasən, Tramp Hörmüz boğazının açıq qalmasını və İranın zənginləşdirilmiş uran ehtiyatlarını təhvil verməsini istəyir.

Levitt əlavə edib: “Onların bu təklifi qəbul edib-etmədiyini deyə bilmərəm. Sadəcə bu gün səhər bu məsələ müzakirə olunub və bu barədə əvvəlcədən nəticə çıxarmaq istəmirəm. Əminəm ki, bu barədə birbaşa prezidentin özündən açıqlama eşidəcəksiniz.”