Çexiya baş naziri Andrej Babiş Azərbaycana səfəri zamanı İlham Əliyevlə Qəbələdə keçirilən birgə mətbuat konfransında iki ölkə arasında münasibətlərin “strateji tərəfdaşlıq” səviyyəsinə yüksəldiyini açıqlayıb.

ArazNews-un məlumatına görə, Babiş Azərbaycanın geosiyasi əhəmiyyətinə diqqət çəkərək bildirib: “Azərbaycan Çexiya üçün strateji tərəfdaşdır və münasibətlərimiz yalnız siyasi və iqtisadi deyil, dostluq əsasında da qurulub.”

O əlavə edib ki, Avropa liderlərinin Bakıya artan səfərləri Azərbaycanın beynəlxalq və regional səviyyədə rolunun gücləndiyini göstərir.

Baş nazir həmçinin Volodimir Zelenskinin bu ölkəyə səfər etdiyini xatırladıb və Giorgia Meloninin də yaxın zamanda Azərbaycana səfər edəcəyini bildirərək, bunun Azərbaycanın artan əhəmiyyətinin göstəricisi olduğunu vurğulayıb.