Araz News-un Reuters-ə istinadən verdiyi məlumata görə, İran və ABŞ son danışıqlarda irəliləyiş olduğunu bildirsə də, nüvə proqramı və Hörmüz boğazının statusu ilə bağlı ciddi fikir ayrılıqları davam edir.

Məhəmmədbagir Qalibaf danışıqlarda müəyyən irəliləyişlərin əldə olunduğunu, lakin tərəflər arasında “əhəmiyyətli məsafənin” qaldığını deyib. Eyni zamanda Donald Tramp “çox yaxşı danışıqlardan” bəhs etsə də, əlavə detallar açıqlamayıb.

Bu arada İran Hörmüz boğazında sərt nəzarəti yenidən tətbiq edib ki, bu da enerji bazarlarında və dəniz nəqliyyatında qeyri-müəyyənliyi artırıb. Məlumatlara görə, bəzi gəmilər bu marşrutdan keçərkən atəşə tutulub.

Bu hadisələr ABŞ və İsrailin İrana qarşı müharibəsində müvəqqəti atəşkəsin bitməsinə az qaldığı və onun taleyinin danışıqların nəticəsindən asılı olduğu bir vaxta təsadüf edir.