Gərginliyin artdığı bir vaxtda ABŞ-ın strateji bombardmançılarına aid yeni hərəkətlər müşahidə olunur; bu isə bu təyyarələrin yenidən Avropada yerləşdirilməsi ehtimalını gündəmə gətirir.

ArazNews-un hərbi müşahidə hesablarına istinadən verdiyi məlumata görə, bir B-52H bombardmançısı yanacaq dolduran təyyarə ilə birlikdə ABŞ-dakı hərbi bazadan havaya qalxıb. Sonrakı məlumatlarda eyni tipli daha bir bombardmançının uçuşa başladığı və ehtimal ki, yanacaq təyyarəsinə qoşulduğu bildirilib.

Bu məlumatlar daha əvvəl ABŞ-ın əlavə bombardmançılarını Böyük Britaniyadakı Fairford aviabazasına köçürməsi ilə bağlı yayılan iddialar fonunda ortaya çıxıb. Lakin həmin hərəkətlərin bir hissəsi texniki problemlər səbəbilə dayandırılmışdı.

Bu məlumatlar rəsmi olaraq təsdiqlənməyib, lakin doğru olduğu təqdirdə, İran rejimi ilə gərginlik fonunda ABŞ-ın hərbi hazırlığını artırdığını göstərə bilər.