İranın Pakistandakı səfiri bildirib ki, İran danışıqlar heyəti ciddi müzakirələr üçün İslamabada yola düşəcək.

Araz News-un məlumatına görə, Rza Əmiri Müqəddəm açıqlayıb ki, heyət cümə axşamı, 9 aprel axşamı İslamabada daxil olacaq.

O qeyd edib ki, bu səfər Pakistan baş nazirinin dəvəti ilə və İranın 10 maddəlik təklif çərçivəsində həyata keçirilir.

Bu açıqlama atəşkəsin başlanması ilə eyni vaxta təsadüf edir. İran rəsmiləri bəzi pozuntu halları barədə danışaraq danışıqların ləğv edilə biləcəyini də istisna etməyiblər.

Eyni zamanda, atəşkəsin Livanı əhatə edib-etməməsi ilə bağlı fikir ayrılığı davam edir. İran və Pakistan bunu razılaşmanın bir hissəsi sayır, ABŞ və İsrail isə qəbul etmir.