Birləşmiş Millətlər Təşkilatı davam edən münaqişənin davamlı şəkildə sona çatdırılması məqsədilə xüsusi nümayəndəsinin İrana səfər etdiyini açıqlayıb.

Araz News-un məlumatına görə, Reuters-ə istinadən bildirilib ki, BMT baş katibinin xüsusi nümayəndəsi Jean Arnault regional səfər çərçivəsində İrana daxil olub.

Məlumata əsasən, nümayəndə İranın mövcud vəziyyətlə bağlı mövqeyini öyrənəcək və BMT-nin münaqişənin sülh yolu ilə, davamlı həllinə sadiqliyini vurğulayacaq.

BMT sözçüsü həmçinin bildirib ki, Arnault bütün tərəfləri münaqişənin dinc həlli və mülki şəxslərin qorunması istiqamətində addımlar atmağa çağırıb.