ABŞ Mərkəzi Komandanlığı (CENTCOM) “Epik Qəzəb” əməliyyatı ilə bağlı detalları açıqlayıb.

Araz News-un məlumatına görə, yayılan məlumatlarda bildirilir ki, əməliyyat zamanı 13 mindən çox hədəf vurulub və 155-dən artıq İran gəmisinə zərər vurulub və ya məhv edilib.

Hesabata əsasən, hədəflər arasında komanda və idarəetmə mərkəzləri, SEPAH binaları, kəşfiyyat obyektləri, hava hücumundan müdafiə sistemləri, ballistik raket bazaları, dəniz qüvvələrinə aid obyektlər, müdafiə sistemləri, gəmiəleyhinə raket sahələri, hərbi rabitə infrastrukturu, raket və pilotsuz aparat istehsal mərkəzləri, silah anbarları, yer-hava raket obyektləri və hərbi dəstək infrastrukturu yer alıb.

Əməliyyat zamanı ABŞ-ın geniş spektrli hərbi texnikasından istifadə edilib. Bunlara B-1, B-2 və B-52 bombardmançıları, F-15, F-16, F-18, F-22 və F-35 qırıcıları, A-10 təyyarələri, kəşfiyyat və elektron müharibə təyyarələri, MQ-9 pilotsuz aparatları, Apache və Black Hawk helikopterləri, yanacaq təchizatı təyyarələri, aviadaşıyıcılar, sualtı qayıqlar, esmineslər və Patriot ilə THAAD raket sistemləri daxildir.