Beynəlxalq media xəbər verir ki, İran rejiminin hərbi qüvvələri Birləşmiş Ərəb Əmirliklərində yerləşən ukrayna mənşəli antidron sistemlərinin anbarını hədəf alaraq məhv etdiklərini iddia ediblər.

ArazNews-un məlumatına görə, Xatəmül-Ənbiya Mərkəzi Qərargahının bəyanatında bu obyektin Dubayda yerləşdiyi və ABŞ-ın hərbi əməliyyatlarına dəstək üçün istifadə olunduğu irəli sürülüb.

Məlumatda zərərin miqyası və mümkün itkilərlə bağlı heç bir detal açıqlanmayıb.

Bildirilir ki, Volodimir Zelenski İran istehsalı “Şahed” PUA-larına qarşı sistemləri Körfəz ölkələrinə təqdim edərək son müharibədə onlara dəstək verib. Daha əvvəl bu PUA-lar Rusiya tərəfindən Ukrayna müharibəsində istifadə edilmiş və Ukrayna tərəfi onlara qarşı nisbətən ucuz texnologiyalar inkişaf etdirmişdi.