ArazNews xəbər verir ki, cümə axşamı axşam saat 20:00-dan etibarən Tehran sakinlərindən paytaxtın müxtəlif bölgələrində döyüş təyyarələrinin səsi və bir neçə partlayış barədə çoxsaylı məlumatlar yayılıb. Bir çox məlumatda təyyarələrin aşağı hündürlükdə uçduğu bildirilir.

Şəhərin şərq və şimal-şərq hissələrində, o cümlədən Tehranpars, Həkimiyə, Narmək və Məcidiyə ərazilərində ardıcıl partlayışlar barədə xəbərlər verilib. Bəzi məlumatlarda şərqi Tehranda və Parçin ətrafında hücum ehtimalına da işarə olunub.

Tehranın mərkəzi və qərb bölgələrindən də oxşar məlumatlar daxil olub. Şəhrək-e Qərb, Yusifabad, Vəliəsr meydanı, Həftir və Sepə küçəsi sakinləri ardıcıl partlayış və təyyarə səsləri eşitdiklərini bildiriblər.

Şimal bölgələrində isə Cənnətabad, Pəsiyan və Andərzqu sakinləri də eyni səslərin eşidildiyini qeyd ediblər.