İsrail mediası İran tərəfindən ölkənin şimal və mərkəzi bölgələrinə bir neçə raketin atıldığını bildirib; hücumlar eyni vaxtda Livanın cənubundan atılan raketlərlə müşayiət olunub və geniş ərazilərdə hava hücumu siqnalları işə düşüb.

ArazNews-un məlumatına görə, Yedioth Ahronoth-a istinadən siqnallar əvvəlcə Qolan yüksəklikləri və Kiryat Şmona ətrafında səslənib, daha sonra Qalileya, Hayfa, Tel-Əviv, Qüds və Aşdod bölgələrində aktivləşib. Məlumata əsasən, Hayfa yaxınlığında bir neçə nöqtə zərbə alıb və xilasetmə qrupları hadisə yerinə göndərilib.

Hücumlar nəticəsində Hayfanın bəzi hissələrində, o cümlədən Kiryat Haim bölgəsində elektrik kəsintiləri barədə məlumat yayılıb. İran dövlət televiziyası hücumun enerji obyektini hədəf aldığını və bunun Pars Cənubi qaz yatağına vurulan zərbəyə cavab olduğunu iddia edib. Hələlik insan tələfatı barədə məlumat verilməyib.