ArazNews-un Reuters-ə istinadən verdiyi məlumata görə, ABŞ prezidenti Donald Tramp İrana qarşı hücumlar başlamazdan əvvəl Tehranın Vaşinqtonun körfəz bölgəsindəki müttəfiqlərinə cavab zərbəsi endirə biləcəyi barədə xəbərdarlıq almışdı.

Məlumata görə, ABŞ kəşfiyyatının qiymətləndirmələrində İrana hücumun mümkün nəticələrindən biri kimi bu ssenari qeyd olunmuşdu, lakin bunun qəti olacağı düşünülmürdü.

Mənbələr həmçinin bildiriblər ki, Vaşinqton İranın Hörmüz boğazını bağlaya və münaqişəni regional səviyyəyə genişləndirə biləcəyini də ehtimal edirdi.

Son həftələrdə İranın raket və pilotsuz aparat hücumları körfəz ölkələrində bəzi ABŞ hərbi bazalarını və obyektlərini hədəf alıb və enerji ixracında geniş pozuntulara səbəb olub.