Donald Tramp bildirib ki, ABŞ İranı hərbi və iqtisadi baxımdan “tamamilə sarsıdıb” və Hörmüz boğazı vasitəsilə neft alan ölkələr bu strateji keçidin təhlükəsizliyinin təmin olunmasına görə məsuliyyət daşımalıdır. Onun sözlərinə görə, ABŞ bu prosesdə “böyük kömək” göstərməyə hazırdır.

ArazNews-un məlumatına görə, Tramp qeyd edib ki, bu proses əvvəldən “kollektiv səylər” çərçivəsində həyata keçirilməli idi və artıq bunun tətbiqi üçün vaxt çatıb. O bildirib ki, ABŞ Hörmüz boğazından neft daşınmasının “sürətli, fasiləsiz və təhlükəsiz” həyata keçirilməsi üçün bu ölkələrlə koordinasiya aparacaq və ortaq mexanizm çərçivəsində dəstək rolunu oynamağa hazırdır.

Tramp planın praktiki detalları barədə açıqlama verməsə də, bu marşrutdan neft ixracından asılı olan ölkələrlə sıx əməkdaşlığın vacibliyini vurğulayıb. O əlavə edib ki, Hörmüz boğazında gəmiçiliyin qorunması üçün belə bir mexanizm “dünyanı daha çox koordinasiya, təhlükəsizlik və davamlı sülhə doğru yönəldə bilər”.