آرازنیوز تی وی ایزیمیز پروقرامی چرچئوه سینده ایکینجی بلگه سینی یایینلادی. بو بلگه سل ۱۳۵۷ هجری شمسی ایران اینقیلابیندان سونرا آیت الله شریعتمداری عصیانی و گونئی آزربایجان تورکلری نین خودمختارلیق ایسته یینی آنلادیر. بلگه سل بیرینجی ال قایناقلارا دایاناراق حاضیرلانمیشدیر و ایران حکومتی طرفیندن اینقلاب سونراسیندا گونئی آزربایجان تورکلرینه یؤنه لیک باسقیلاری گؤسترمکده دیر.