ایران ایسلام جمهوریتی خاریجی ایش‌لر باخانی عباس عراقچی آچیقلاییب، سعودی عربیستان و یمن حوثی‌لری تهرانین ایکی طرف آراسیندا واسطه‌چی‌لیک ائدیب توققوشمالارا سون قویماق تکلیفینه (پیشنهادینا) ایندیه‌دک جواب وئرمه‌ییبلر.
آراز نیوزون بیلدیردیگینه گؤره، عراقچی عراقین الاخباریه شبکه‌سی ایله دانیشیغیندا دئییب ایرانین واسطه‌چی‌لیک تکلیفی حوثی‌لرین سعودی عربیستانا حمله‌لرینین آرتماسیندان سونرا ایرَلی سورولوب، آنجاق هئچ بیر طرفدن هله جواب آلینماییب.
او، مصرین حوثی‌لره قارشی ساواشا قاتیلما احتمالی حاققیندا اویاراراق، هر هانسی بیر خاریجی موداخیله‌نین دورومو داها دا قاریشیق حالا گتیره‌جگینی دئییب. عراقچی همچنین ادعا ائدیب قاهیره داها اؤنجه تهرانا یمن ساواشینا بیر‌باشا قاتیلماياجاغی حاققیندا گوونجه وئریب.
بو آچیقلامالار مصرین سعودی عربیستانین گوونلیگینی قوروماغا دستک وئرمه‌یه حاضیر اولدوغونو بیلدیردیگی بیر زاماندا سَسلندیریلیب.