آراز نیوزون راپورونا گؤره، بو مئساژ‌لاردا آذربایجانین دؤولت موستقیل‌لیگی حاققیندا قانونون قبول ائدیلمه‌سی «آذربایجان میللتینین اؤزگورلوک و موستقیل‌لیک یولوندا تاریخی دؤنوش نقطه‌لریندن بیری» آدلاندیریلیب و حیدر علی‌افین «بیر میللت، ایکی دؤولت» سؤزو وورغولانیب.
یاییملانان مئساژ‌لاردا آذربایجانین اؤزگورلوگو، تورپاق بوتؤولوگو و حاکمیتی اوغروندا موباریزه آپاران وطن اؤولادلاری دا حؤرمتله آنیلیب، آذربایجان–تورکیه دایانیشماسی «تورک دونیاسی بیرلیگینین اساس دایاق‌لاریندان بیری» آدلاندیریلیب.
مئساژ‌لارین یازارلاری شوشا بیانیه‌سینین اؤنمینه دیققت چَکه‌رک، باکی ایله آنکارا قارداشلیغینین سارسیلماز اولدوغونو وورغولاییب و آذربایجان موستقیل‌لیگینین اَبَدی اولاجاغینا اینام‌لارینی بیلدیریبلر.
