ایرانا باغلی بیر کروز فوزهسینین (موشکینین) هورموز بوغازیندا بیر دنیز آراجینا دَیمهسی نتیجهسینده ۸ آمریکا دنیز پیادهسی یارالانیب. بو حادثه باش وئردیگی زامان آمریکا مسئوللاری طرفیندن عمومی شکیلده آچیقلانماییب.
آراز نیوزون انبیسی نیوزدان نقل ائتدیگینه گؤره، اوچ آمریکا مسئولو حملهنین ۱۴ سپتامبردا باش وئردیگینی بیلدیریب. یئددی عسگر و بیر ظابیط (افسر) دومان اودماسی و باش آغریسی دا داخیل اولماقلا، بئیین سارسیلماسینا بنزهر علامتلر اوزوندن طبی معاینهدن کئچیریلیبلر.
مسئوللارین دئدیگینه گؤره، یارالانمالار آغیر اولماییب و هر سَککیز شخص قیسا موددت سونرا یئنیدن خدمته قاییدیبلار.
انبیسینین راپورونا گؤره، بو عسگرلر دنیز پیادهلری تابورونا باغلی هاوادان عملیات تیمینین عضولری اولوبلار و آمریکا دنیز گوجلرینه باغلی بیر گمیده یئر آلماییبلار. آمریکا مسئوللاری سؤز قونوسو دنیز آراجینین آدینی، نوعونو و کیمه باغلی اولدوغونو آچیقلاماییبلار.
