گونئی کوره خاریجی ایشلر باخانلیغی، حوثیلرین سعودی عربیستانین غیرنظامی تأسیساتلارینا سون حملهلرینی قینایاراق، بو حملهلرین درحال دایاندیریلماسینی ایستهییب.
سئول غیرنظامیلره حمله ائتمَیین و دنیزده آزاد گئدیشگلیشی ضعیفلدن حرکتلرین «قبول ائدیلمهز» اولدوغونو آچیقلاییب و ایران جمهوریتینین دستکلهدیگی حوثیلرین بو حرکتلره سون وئرمهلی اولدوغونو بیلدیریب.
گونئی کوره خاریجی ایشلر باخانلیغی همچنین قیزیل دنیزین گوونلیگی و گمیلرین آزاد گئدیشگلیشینین دونیا تأمین زنجیرلری و انرژی گوونلیگی اوچون حیاتی اؤنم داشیدیغینی وورغولاییب. بو آچیقلاما، بؤلگهده دنیز گوونسیزلیگینین یاییلماسی ایله باغلی قایغیلارین آرتدیغی بیر زاماندا وئریلیب.
