یمنین رسمی دؤولتینه باغلی سیلاحلی گوجلر، الجوف استانیندا یئنی ایرهلیلهییش الده ائتدیکلرینی و ایران جمهوریتینین دستکلهدیگی حوثیلرین الحزمین دوغو جبههلریندهکی لجستیک خطلرینی کَسدیکلرینی آچیقلاییب.
آراز نیوزون العربیهدن نقل ائتدیگینه گؤره، عسگری قایناقلار دؤولت گوجلرینین اللبناتین قوزئیینده «المطهفات»، «المصاریه» بؤلگهلرینه و «الفراید» اطرافیندا بیر نئچه تپهیه کنترل ائتدیگینی بیلدیریب. گوجلر همچنین الحزمین دوغوسوندا «الدحیضه»دن «بئر المرازیق»ه قدر اوزانان توپراق سنگرلری و خندقلری ده اَله کئچیریب.
عینی زاماندا دؤیوش اوچاقلاری حوثیلرین الجوفداکی موقعلرینی هاوادان هدف آلیب. عسگری قایناقلار حملهلر نَتیجهسینده حوثیلرین اؤنملی ایتکیلر و زیان گؤردویونو، قوروپون بیر سیرا اویهسینین اؤلدورولدوگونو یا دا توتوقلاندیغینی بیلدیریب.
