تورکیه جمهورباشقانی رجب طیب اردوغان و آمریکا جمهورباشقانی دونالد ترامپ، تلفون دانیشیغیندا ایکیطرفلی علاقهلری، بؤلگهسل و جهانی گلیشمهلری گؤروشوبلر.
آراز نیوزون آنادولو خبر آژانسیندان نقل ائتدیگینه گؤره، اردوغان ایران و آمریکا آراسینداکی گرگینلیگین آزالدیلماسی اوچون دیپلوماسی ظرفیتلریندن ان یوکسک سَوییهده یارارلانمانین گرکلی اولدوغونو وورغولاییب و مذاکرهلرین دوام ائتمهسینه اومود ائتدیگینی بیلدیریب.
اردوغان همچنین تورکیه، پاکستان و سعودی عربیستان آراسیندا ایمضالانان اورتاق ساوونما آنلاشماسینی بؤلگهنین ثبات و گؤونلیگینین تامین ائدیلمهسی باخیمیندان «گوجلو بیر موقئع» اولاراق دَیَرلندیریب و آنکارانین باریش چابالاریلا غزهنین یئنیدن قورولماسینا دستگینی سوردورهجگینه تأکید ائدیب.
