آمریکا حوکومتی، ایران جمهوریتینه قارشی اقتصادی باسقینی آرتیرماغا حاضیرلاشیر؛ بو آدیم تهرانا قارشی یئنی بیر تحریم و مالی محدودیت دؤنمینین باشلانماسینا یول آچا بیلر.
آراز نیوزون بلومبرگدن نقل ائتدیگینه گؤره، آمریکا خزینه باخانی اسکات بسنت، واشینگتونون ایران اوزریندهکی باسقینی آرتیرماق اوچون بیر چوخ آراجا صاحیب اولدوغونو بیلدیریب.
بلومبرگ، دونالد ترامپین ماساسیندا ۵ احتیمالی سئچنک اولدوغونو یازیر. بونلار آراسیندا چین مالی شرکتلرینه و ایرانلا باغلانتیلی پول دَییشدیرمه (صرافی) مرکزلرینه تحریم اویقولاماق، همچنین ایران جمهوریتینین خارجدَکی داها چوخ مالوارلیغینی دوندورماق دا یئر آلیر.
بو آدیملار، ایرانین ایندیدن یوزلرجه تحریم و لیمانلارینا قارشی دنیز محاصرهسیله قارشیقارشییا اولدوغو بیر دؤنمده گوندمه گلیر.
