ماشین یدک پارچالاری ایستحصالچیلاری و ساتیجیلاری صنفی اتحادیهسینین عضوو، پارچالارین قیمتینین کسکین آرتدیغینی خبر وئریب و دئییب کی، آلیجیلارین بیر بؤلومو، آلیش گوجونون آزالماسی ندنی ایله ایکینجی اَل پارچالارا اوز توتوب.
آراز نیوزون خبرینه گؤره، ایسنانین بیلدیردیگینه ایستیناداً ایلین اوّلیندن بعضی ماشین پارچالارینین قیمتی ۵۰ فاییزا قدر آرتیب و خام مادده چاتیشمازلیغی یا تدارک محدودیتی ایله اوزلشن ماللاردا قیمت آرتیمی ۸۰ فاییزا دا چاتیب.
بو صنف رسمیسینین سؤزلرینه گؤره، حیصه تدارکینین بیر بؤلومونون دوبیدن عومانا کئچیریلمهسی، ایدخال (واردات) خرجینین آرتماسی و عومانین اینفراستروکتورونون یئترسیز اولماسی، بازاری باسقی آلتینا سالیب و ایدخالچیلاری داها اوجوز ماللارا دوغرو یؤنلندیریب.
