اصلی اورمیهدن اولان تایماز اورمولو، گونئی آذربایجان مسئلهلری ایله باغلی سیاسی، مئدیا و مدنی ساحهلرده چالیشیردی. او، ایران امنیتی اورقانلاری طرفیندن ائدیلن تضییقلر و تهدیدلردن سونرا، وطنینی ترک ائتمهیه مجبور قالدی و تورکیهده قاچقینلیق حیاتی یاشاماغا باشلادی. تورکیهده بیر مدت قالدیقدان سونرا، سون ایللرده آمریکا بیرلشمیش ایالتلرینده یاشاییردی.
تایماز اورمولو «قاراقاشقا» وبلاگینین مودیری ایدی و بۇ وبلاگدا آذربایجان و اورمیهنین چاغداش تاریخی حاقیندا چوخلو مقالهلر درج ائدیردی. او هابئله، بیر مدت آذربایجان میلّی دیرنیش تشکیلاتینین ایشچی قولو باشچیسی ایدی و «اورمو ایشچیلری» ایله «آذربایجان ایشچیلری» خبر سایتلارینین مودیرلیگینی ده عؤهدسینه گؤتورموشدو.
اونون سئچیلمیش یازیلاریندان اولوشان «تایماز اورمولو مقالهلر توپلوسو» کیتابی، ۲۰۱۸-جی ایلده «خزر» درنگی طرفیندن و دیرنیش تشکیلاتینین دستگی ایله آنکارا شهرینده ایشیق اوزو گؤرموشدو.
