Yuyucu vasitələrin və gigiyena məhsullarının tökmə şəkildə satışı il sonunadək Tehranın 22 meyvə-tərəvəz bazarına genişləndiriləcək. Bələdiyyənin Bazarlar Təşkilatının baş direktoru Mehdi Bəxtiyarizadə bu malların qablaşdırılmış analoqlarından 30-70 faiz ucuz qiymətə alıcıya çatacağını vəd edib.
Onun iddiasına görə, yuyucu vasitələr lisenziyalı fabriklərdən plomblanmış çənlərdə gətirilir və keyfiyyətcə qablaşdırılmış məhsuldan fərqlənmir. Tehran ostanı Standart İdarəsinin baş direktoru Qasım Fədəvi isə bu satış üsulunu rədd edib. O, tökmə yuyucu vasitələrdə istehsalçının kimliyini, istehsal tarixini və allergiya yaratma dərəcəsini izləməyin mümkün olmadığını bildirərək, idarəsinin vətəndaşlara bu məhsulları almağı tövsiyə etmədiyini vurğulayıb.
Bəzi neft-kimya xammallarının qiyməti esfənd ayından bu yana 100-130 faiz, bəzi hallarda isə 2,5 dəfəyədək artıb. Yuyucu vasitələr, gigiyena və kosmetika məhsulları sənayesi assosiasiyasının katibi Hesam Bigdelu bildirib ki, bu müddətdə son məhsulun qiyməti cəmi iki dəfə, hər dəfə də təxminən 20 faiz artıb.
