Bloomberg-in məlumatına görə, Qərb kəşfiyyatının qiymətləndirməsi göstərir ki, İslam Respublikası hələ də ayda təxminən 50 ballistik raket istehsal edir. Bu, müharibədən əvvəlki istehsalın təxminən yarısı deməkdir. Eyni qiymətləndirməyə əsasən, hakimiyyətin anbarlarında ən azı 1700 ballistik raket də qalıb.
ABŞ-ın müharibə naziri Pit Heqset çərşənbə axşamı İranın sənaye bazasının 80 faizinin məhv edildiyini deyib. Bununla belə, MKİ-nin keçmiş analitiki Cim Lemson bildirib ki, ehtiyat hissələri Tehrana raketləri yığmağa davam etmək imkanı verib.
İslam Respublikası müharibə başlayandan bəri 4900-dən çox «Şahid» dronu və ən azı 2200 ballistik raket atıb. Qərb rəsmiləri Rusiyanın Tehrana hücum silahları göndərdiyini də bildiriblər.
SEPAH çərşənbə axşamı bir neçə video yayaraq yeni yeraltı «raket şəhəri» nümayiş etdirib. Silahlı Qüvvələrin Baş Qərargah rəisi Əli Əbdüllahi də növbəti müharibədə «sürprizlərin» «bir-birinin ardınca» üzə çıxacağı ilə hədələyib.
