1404-cü ilin dey ayında baş verən etirazlarda İslam Respublikası qüvvələrinin atəşi nəticəsində həyatını itirən 21 yaşlı türkmən qızı Məhin Behruzun Şimali Xorasan əyalətinin Xartut kəndindəki məzar daşı dağıdılıb.
Yayılan görüntülər gənc qızın məzar daşının zədələndiyini göstərir. Bu əməlin nə vaxt törədildiyi və onu törədənlərin kimliyi barədə hələlik dəqiq məlumat açıqlanmayıb.
Xartut kəndindən olan türkmən vətəndaşı Məhin Behruz 1404-cü il dey ayının 18-i axşam Tehranın Tehranpars məhəlləsində keçirilən xalq etirazları zamanı hökumət məmurlarının gülləsinə tuş gələrək həyatını itirib. Onun cənazəsi Tehrandan Şimali Xorasandakı doğulduğu yerə aparılaraq orada torpağa tapşırılıb.
