İran araşdırılan ölkələr arasında internet azadlığında ən kəskin geriləməni yaşayıb və Çin və Myanma ilə birlikdə dünyanın ən pis göstəricili ölkələri sırasına daxil olub. ABŞ-ın «Freedom House» (Azadlıq Evi) təşkilatı «İnternet azadlığı 2026» hesabatında İranda internetin təxminən 88 gün kəsilməsini bu hesabatın 16 illik tarixində qeydə alınan ən uzun ölkə miqyaslı kəsinti adlandırıb.
Kəsinti ABŞ və İsrailin hərbi əməliyyatlarının başladığı vaxt başlayıb və 1405-ci ilin ordibeheşt ayınadək (2026-cı ilin aprel-may ayları) davam edib. Bundan sonra da istifadəçilərin əksəriyyəti yalnız məhdud sayda sayta daxil ola bilib, qlobal internetlə sərbəst əlaqə isə bərpa olunmayıb.
Hesabatda İranda «iki təbəqəli internet»in formalaşdığı bildirilir: ordibeheşt ayından etibarən «İnternet Pro» paketləri adi internetdən beş dəfə baha qiymətə və hökumət nəzarətinin qəbul edilməsi şərti ilə təklif olunub. İslam Respublikasının rəsmiləri həmçinin dövlətin dəstəklədiyi filtr keçici proqramların (VPN) qiymətini artırıblar, Starlink-in işini pozmaq üçün isə radioelektron maneə siqnalları göndəriblər.
