ABŞ prezidenti Donald Tramp yenidən proqnozlaşdırıb ki, İranla müharibə, ehtimal ki, noyabr ayındakı ara seçkilərindən bir qədər sonra başa çatacaq və bildirib ki, bunun daha tez bitməsi ehtimalı da mövcuddur; lakin vurğulayıb ki, Tehranla "pis razılaşma" imzalamağa hazır deyil.
Reuters agentliyinin məlumatına görə, Tramp bazar günü İrlandiyada keçirilən "İrish Open" qolf yarışlarında iştirak edərkən deyib ki, İslam Respublikası razılaşma əldə etməyə ciddi şəkildə can atır və "daim" danışıqlar üçün əlaqə saxlayır. Tehran daha əvvəl danışıqlar üçün tez-tez əlaqə saxlanması barədə oxşar iddiaları təkzib edib.
Tramp həmçinin bildirib ki, müharibə başa çatdıqda ABŞ-da benzin qiymətləri "daş kimi aşağı düşəcək". O vurğulayıb ki, yalnız Vaşinqtonun nöqteyi-nəzərindən "düzgün razılaşma" hesab olunan sazişi qəbul edəcək.
ABŞ prezidentinin yeni açıqlamaları elə bir vaxtda səslənir ki, İran müharibəsi və Hörmüz boğazındakı böhran qlobal enerji bazarına təzyiqini davam etdirir, eyni zamanda gərginliyin azaldılması üçün mexanizm tapmaq məqsədilə diplomatik səylər davam edir.
