Wall Street Journal qəzeti məlumat yayıb ki, Donald Trampın yüksək vəzifəli məsləhətçiləri qapalı söhbətlərdə ona xəbərdarlıq ediblər ki, İran rejimi ilə müharibə onun prezidentlik müddətinin sonuna, yəni 2029-cu ilin yanvar ayına qədər davam edə bilər.
Məlumata görə, ABŞ hökuməti özünü uzunmüddətli qarşıdurmaya hazırlayır. İrana qarşı dəniz blokadası və sanksiya kampaniyası davam edir, Pentaqon qüvvələrinin bir hissəsinin xidmət müddətini uzadıb, qırıcı eskadrilyalarını yerdəyişdirib və Yaxın Şərqdə hava hücumundan müdafiə sistemlərinin və dəniz piyadalarının yerləşdirilməsini planlaşdırıb.
Bununla belə, Tramp hələ də bildirir ki, müharibənin bu ilin payızında keçiriləcək ara seçkilərindən "dərhal" sonra başa çatacağını gözləyir.
