İran rejiminin məhkəmə hakimiyyəti başçısı Qulaməhüseyn Möhsini-Əjei Çinin Ali Xalq Məhkəməsinin sədri ilə görüşündə Tehranın Pekinlə əlaqələrini genişləndirmək iradəsinin "qəti" olduğunu bildirib və məhkəmə, elm və texnologiya sahələrində ikitərəfli əməkdaşlığın gücləndirilməsinə çağırıb.
Sepah-a yaxın olan Tesnim agentliyinin yaydığı açıqlamalarında Əjei rejimi ABŞ-ın təzyiqləri qarşısında "sabit" adlandırıb və xalqın hakimiyyətə dəstəyinin onun mövqeyini gücləndirdiyini iddia edib; bu iddia son illərdə İranda baş vermiş geniş etirazlarla və dərin siyasi-iqtisadi narazılıqlarla ziddiyyət təşkil edir.
O, həmçinin Çini "yeni dünya nizamının" mühüm iştirakçısı adlandıraraq deyib ki, məhkəmə sahəsindəki əməkdaşlıq iki ölkə arasında strateji əlaqələrin genişlənməsinə kömək edə bilər. Əjei əlavə edib ki, Şanhay Əməkdaşlıq Təşkilatına üzv ölkələrin məhkəmə başçılarının keçən il İranda keçirilməsi nəzərdə tutulan sammiti ABŞ və İsrailin hücumları səbəbindən ləğv olunub.
