Son günlər İran rejiminin dövlət televiziyasında Kalaşnikov silahından praktik istifadəni göstərən proqramların yayımlanması sosial şəbəkələrdə geniş reaksiyaya səbəb olub.

ArazNews-un məlumatına görə, Ofogh telekanalında hərbi şəxsin iştirakı ilə Kalaşnikovun daşınması, doldurulması və istifadəsi ilə bağlı birbaşa təlim efirə verilib. Eyni zamanda, 3-cü kanaldan yayılan görüntülərdə aparıcı Mobina Nəsiri canlı proqramda Kalaşnikovla görünüb.

Bu proqramlar ümumi auditoriya üçün hər hansı yaş xəbərdarlığı və ya məhdudiyyət olmadan yayımlanıb.

Bu addım İsrail və ABŞ-la son qarşıdurmalardan sonra atılıb. Tənqidçilər bunu rejimin qorxusu, daxili etirazların yatırılması üçün tərəfdar qüvvələri və ya mülki şəxsləri silahlandırmaq cəhdi, yaxud psixoloji təbliğat kampaniyası kimi qiymətləndirirlər.